Lajme & Aktivite

Lista e kandidatëve fitues / Raundi i Parë (2021-2022)

Kolegji Universitar Bedër shpall listën e kandidatëve fitues të Raundit të Parë për Vitin Akademik 2021-2022. Kujtojmë se të enjten, më datë 2 Shtator, nis procesi i regjistrimit të fituesve në programet e studimit të ciklit të parë. Regjistrimet do të kryhen ndërmjet datave 2-15 Shtator 2021, nga ora 8:00 deri në orën 16:30, pranë Sekretarisë Mësimore të Kolegjit Universitar Bedër. Studentët që nuk regjistrohen brenda këtyre afateve u digjet e drejta e regjistrimit për këtë raund. KUJDES! Kandidatët e shpallur fitues duhet të regjistrohen brenda fazës së parë 48 orëshe të përcaktuar nga Ministria e Arsimit, pra më 2 dhe 3 shtator, pasi kuotat mund të zihen nga aplikantët që janë në listën pritëse.  Ndërkohë, për të mësuar rreth BURSAVE që përfitoni në programet tona, kontaktoni në numrin: +355673427001, ose në adresën e emailit: [email protected] Dokumentacioni i nevojshëm për regjistrim: a) Dokument identifikimi (kartë identiteti ose pasaportë); b) Fotokopje e noterizuar e Diplomës së Maturës Shtetërore së bashku me listën e notave; c) Dy fotografi të vogla personale; d) Mandati bankar i pagesës së regjistrimit. Kandidatët do të gjejnë emrat e tyre në listat e bashkëngjitura.  Klikoni linqet e mëposhtme për çdo program studimi: Drejtësi (5-vjeçar) Shkenca Kompjuterike (Bachelor) Teknologji Informacioni dhe Komunikimi (Bachelor) Informatikë Ekonomike (Bachelor) Shkenca Komunikimi (Bachelor) Marrëdhënie Publike dhe Komunikim Marketingu (Bachelor) Gjuhë dhe Letërsi Angleze (Bachelor) Shkenca Islame (Bachelor) Programim në Web (Program Profesional 2-vjeçar) Multimedia dhe Dizajn Grafik (Program Profesional 2-vjeçar) SHËNIM: Të gjithë kandidatët që dëshirojnë të studiojnë në një nga programet tona të studimit, por që nuk kanë aplikuar në Raundin e Parë, mund të aplikojnë në Raundin e Dytë, duke përzgjedhur si një nga preferencat e tyre programet e Kolegjit Universitar Bedër ku do të mbeten kuota të lira.   Aplikimet online për Raundin e Dytë zhvillohen ndërmjet datave 19–21 shtator 2021.     Ju mirëpresim!  

Bedër diplomon brezin e tetë të studentëve

Në një ceremoni festive të organizuar në Amfiteatrin e Liqenit Artificial, 278 studentë mbyllën me sukses rrugëtimin akademik duke u diplomuar në 8 programe bachelor dhe 6 master në Kolegjin Universitar Bedër.    Në ceremoni, krahas studentëve që u diplomuan dhe anëtarëve të stafit, të pranishëm ishin personalitete të ndryshëm nga vendi dhe jashtë, të ftuar, si dhe familjarë e të afërm të diplomuarve.   Në emër të institucionit, studentët i përshëndeti Rektori, Prof. Ferdinand Gjana, i cili i uroi suksese të mëtejshme në rrugëtimin profesional dhe në jetë. Të diplomuarit i uroi gjithashtu kryetari i Komunitetit Mysliman të Shqipërisë, H. Bujar Spahiu, i cili theksoi dhe arritjet e Kolegjit Universitar Bedër në rrugëtimin 10-vjecar.   I ftuar special në këtë cermeoni ishte Kryetari i Organizatës Ndërkombëtare “Educators ëithout Borders”, Dr. Mohamed Albaili, i cili vlerësoi seriozitetin e institucionit dhe përkushtimin e stafit. Të pranishmit i përshendeti profesori dhe eksperti i drejtësisë, prof. Altin Shegani, duke shprehur bindjen se shumë shpejt Bedër do të jetë një nga institucionet më elitare edhe në rajon.    Aktiviteti vazhdoi më tej me shpërndarjen e certifikatave të ekselencës për studentët e parë të çdo programi studimi, të cilët mbajtën fjalën përshëndetëse para të pranishmëve në emër të diplomuarve për cdo departament.   Në përfundim të ceremonisë të gjithë studentët u ngjitën në skenë për të hedhur kapelet e diplomimit, duke përmbushur me sukses rrugëtimin e tyre në Kolegjin Universitar Bedër.

Thirrje për aplikime! Programet e Shkëmbimit Erasmus+

Zyra e Marrëdhënieve Ndërkombëtare (IRO), në kuadër të bashkëpunimit për projektin e Mobilitetit Erasmus+ KA103 të Kolegjit Universitar Bedër me Kolegjin e Shkencave të Aplikuara “Lavoslav Ružička” (VEVU) në Vukovar të Kroacisë, mirëpret aplikimet e stafit për mobilitet në mësimdhënie për periudhën 11-15 tetor 2021.    Kuotat për këto thirrje janë si më poshtë:   Aktiviteti 1 – STA Mobility - Teaching week – 1 kuotë gjatë periudhës 11-15 Tetor 2021 (5 ditë).   Afati i fundit për të aplikuar është data: 20 Korrik 2021.      Kriteret e aplikimit:   Të interesuarit duhet të përmbushin kërkesat e mëposhtme:    1. Të jetë anëtar/e i stafit akademik në Departamentin e Drejtësisë full-time/part-time.   Dokumentat e aplikimit:   - Formulari Erasmus+ Mobility STA Ëork Plan (një kopje) - Formulari Mobility Agreement Staff Mobility for Teaching (një kopje) - Certifikatë e mbrojtjes së Gjuhës Angleze (min. B1) - CV (një kopje) - Kopjen e pasaportës / letërnjoftimit kombëtar (dy kopje)   P.S Të interesuarit të kontaktojnë me email Koordinatoren e Erasmus+ pranë KUB, Dr. Irena Shehu në: [email protected] për marrjen e formularëve elektronikisht.   Për më shumë informacion rreth Kolegjit dhe programit Erasmus+, ju lutem gjeni linqet me poshtë:    PARTNERSHIPS:    http://www.vevu.hr/?podatak_id=37&g=12&i=161&panel=1#panel-1   VEVU Erasmus+:  http://www.vevu.hr/?g=12&i=161   INFORMATION PACKAGE  http://www.vevu.hr/?podatak_id=6&g=12&i=161&j=204&panel=1#panel-1

Kroaci, zhvillohet "Erasmus+ Non-teaching Staff Week 2021"

Nё kuadёr tё programeve tё mobilitetit Erasmus+ KA 107, koordinatorja e Zyrёs sё Marrёdhёnieve me Jashtё pranё Kolegjit Universitar Bedër, Dr. Ana Uka mori pjesё nё Erasmus+ Non-teaching Staff Week 2021, tё organizuar nga Kolegji i Shkencave tё Aplikuara “Lavoslav Ruzicka” (VEVU) nё Kroaci, gjatё periudhёs 7-11 qershor. Qёllimi i kёtij programi ishte njohja mё nga afёr me universitetin mikpritёs dhe pёrfaqёsues tё universiteteve tё tjera partnere nga rajoni dhe mё gjerё nёpёrmjet takimeve dhe prezantimeve rreth programeve tё studimit nga çdo universitet pjesёmarrёs. Gjatё kёtyre takimeve u diskutuan mundёsitё pёr bashkёpunim edhe me universitete tё tjera si nё fushёn e edukimit, biznesit apo shkencave kompjuterike, si dhe vazhdimёsinё e bashkёpunimit me VEVU, me qёllim realizimin e shkёmbimit tё stafit dhe studentёve tё drejtёsisё gjatё vitit tё ardhshёm akademik.  

Zhvillohet Konferenca VI Studentore në Shkenca Komunikimi

Departamenti i Shkencave të Komunikimit në Kolegjin Universitar Bedër zhvilloi sot Konferencën e Gjashtë Studentore, ku të pranishëm ishin studentë dhe lektorë të këtij departamenti. Studentët e nivelit bachelor dhe master prezantuan punimet e tyre me fokus median, komunikimin, marrëdhëniet me publikun dhe marketingun. Gjatë prezantimeve ata sollën raste studimi kombëtare dhe ndërkombëtare, të cilat nxitën diskutime në panel. Në fund të sesioneve studentët u pajisën me certifikata, ku juria zgjodhi dhe dy punimet më të mira në nivel bachelor dhe master. Punimi më i mirë në nivel bachelor u zgjodh punimi i studentes Samanta Hysa, me temë: “Marketingu i motorrëve të kërkimit. Rëndësia e SEO-s në suksesin e një biznesi”. Punimi më i mirë në nivel master u zgjodh punimi i studentes Isida Mollaymeri, me temë: “Ndikimi i artit tek publiku në kohë krizash sociale”.

Bedër nënshkruan marrëveshjen e bashkëpunimit me Universitetin e Elbasanit

Kolegji Universitar Bedër nënshkroi sot marrëveshjen e bashkëpunimit me Universitetin e Elbasanit “Aleksandër Xhuvani”, me qëllim promovimin e arsimit të lartë, kërkimit shkencor, rritjen e kapaciteteve të personelit akademik dhe studentëve, si dhe mbështetjen e ndërsjellë në realizimin e veprimtarisë në kuadër të zbatimit të legjislacionit në fuqi për arsimin e lartë.   E nënshkruar nga Rektori i KUB, Prof. Dr. Ferdinand Gjana dhe nga Rektori i UE, Prof. Dr. Skender Topi, marrëveshja synon që të dy institucionet e arsimit të lartë të bashkëpunojnë në çdo kohë dhe ta shtrijnë bashkëpunimin në të gjitha fushat e veprimtarisë së tyre.   Gjithashtu marrëveshja do të lehtësojë marrëdhëniet ndërinstitucionale për bashkëpunimin dhe bashkërendimin e aktiviteteve të palëve, me synim komunikimin dhe shkëmbimin e personelit akademik, studentëve, informacioneve, ideve dhe eksperiencave që lidhen me fushat me interes të përbashkët.  

Bedër, pjesë e projektit "Bologna Hub Peer Support"

Kolegji Universitar Bedër bëhet pjesë e projektit "Bologna Hub Peer Support", i cili koordinohet nga Ministria Gjermane e Arsimit dhe Kërkimit dhe Agjencia Gjermane e Shkëmbimit Akademik (DAAD) në bashkëpunim me Erasmus+. Projekti synon përmirësimin e zbatimit të elementeve kryesore të procesit të Bolonjës në institucionet e arsimit të lartë në të gjithë Zonën Evropiane të Arsimit të Lartë (EHEA). Gjatë takimit të parë me ekspertët nga Belgjika dhe Zvicra , u shkëmbyen përvoja dhe u diskutuan sfidat dhe mundësitë për zhvillimin dhe implementimin e reformave  praktike në kuadër të procesit të Bolonjës. Pas periudhës së zbatimit, ekspertët do të kryejnë një vizitë në institucion në mënyrë që të diskutojnë dhe të pasqyrojnë së bashku sfidat specifike të paraqitura brenda fushës së periudhës së zbatimit. Në fund të projektit, të gjithë IAL-të e përfshira do të marrin pjesë në një konferencë përfundimtare së bashku me ekspertët, konsorciumin e projektit dhe palët e tjera të interesit. Rezultatet do të diskutohen dhe publikohen në një punim përfundimtar.

“Bedër”, partner me universitetin e Ekonomisë dhe Shkencave Humane të Varshavës

Kolegji Universitar Bedër nënshkruan marrëveshjen e bashkëpunimit me Universitetin e Ekonomisë dhe Shkencave Humane të Varshavës. Marrëveshja konsiston në bashkëorganizimin e aktiviteteve shkencore, shkëmbimit të stafit dhe studentëve, si dhe konsolidimit të marrëdhënieve dypalëshe me qëllim ofrimin e mundësisë për diplomë të dyfishtë për studentët që studiojnë në menaxhim, financë, drejtësi, apo shkenca kompjuterike në të dyja institucionet e arsimit të lartë. Për më shumë informacion rreth këtij universiteti, klikoni linkun si më poshtë: https://vizja.pl/en/