Prof. Asoc. Dr. Genti Kruja zhvillon një studim në Universitetin e Augsburgut mbi rolin e dialogut ndërfetar në reduktimin e dallimeve të diversitetit fetar në Gjermani
Prof. Asoc. Dr. Genti Kruja, lektor në Kolegjin Universitar Bedër, mori pjesë në një studim shkencor afatshkurtër (STSM) në Universitetin e Augsburgut në Bavari, ku hulumtoi mbi rolin e dialogut ndërfetar në reduktimin e dallimeve të diversitetit fetar në Gjermani. Studimi është kryer dhe mbështetur financiarisht nga Bashkimi Evropian nëpërmjet projektit akademik COST Action me temë: “Connecting Theory and Practical Issues of Migration and Religious Diversity” COREnet (Lidhja e teorisë dhe çështjeve praktike të migrimit dhe diversitetit fetar).
Prof. Kruja zgjodhi Gjermaninë për këtë studim sepse është një nga vendet më të mëdha në Bashkimin Evropian, që ka një numër të konsiderueshëm emigrantësh. Sot, ajo ka një diversitet kulturor e fetar dhe një kontribut të rëndësishëm në dialogun ndërfetar përmes shumë organizatave dhe institucioneve akademike, të cilat po punojnë për të forcuar dhe promovuar dialogun në Gjermani dhe më gjerë.
Studimi bazohej në një pyetësor të zhvilluar mbi punën dhe rolin e institucioneve akademike dhe OJQ-ve në Gjermani, të cilat promovojnë dialogun, si alternativë e vetme kundër gjuhës së urrejtjes.
Prof. Kruja filloi kërkimin e tij shkencor fillimisht në Universitetin e Augsburgut, pranë Prof. Dr. Elisabeth Naurath, lektore në këtë universitet dhe Presidente e Këshillit Ndërfetar të Gjermanisë. Gjatë këtij misioni shkencor ai vizitoi disa institucione të përfshira në dialogun ndërfetar, si dhe takoi studiues dhe aktivistë të dialogut ndërfetar në Munih, Augsburg, Frankfurt, Berlin, Nuremberg, Berlin dhe në Universitetin Potsdam, Gjermani.
Anketa që ai zhvilloi përbëhej nga 22 pyetje, të cilën e bashkëndau me 17 institucione akademike dhe ndërfetare në qytete të ndryshme të Gjermanisë, të angazhuara në zgjidhjen e problemeve të ndryshme të shoqërisë, nëpërmjet të të rinjtë me prejardhje të ndryshme etnike, kulturore dhe fetare për të promovuar diversitetin, si një pasuri dhe jo si një shkak për konflikt.
Institucionet e intervistuara janë shprehur se ata e shohin diversitetin, si një mundësi për të mësuar nga njëri-tjetri. Ata nuk i konsiderojnë dallimet si shqetësuese dhe nuk përpiqen t’i zvogëlojnë, por t’i harmonizojnë ato.
Prof. Kruja dhe Dr. Ana Uka, lektorë në KU Bedër janë gjithashtu anëtarë të Komitetit të Menaxhimit të këtij projekti, si përfaqësues të Shqipërisë.
Çfarë është një mision shkencor afatshkurtër (STSM) brenda COREnet?
Një Mision Shkencor Afatshkurtër, i financuar nga COST Action COREnet, konsiston në vizitën studimore në një institucion pritës jashtë vendit nga ku është studiuesi, me qëllim që të kryejë punë specifike kërkimore, si pjesë e një projekti studimor. Përveç qëllimeve kërkimore, Misionet e Shkurtra Shkencore (STSM) synojnë të forcojnë dhe të nxisin bashkëpunimin midis akademikëve nga universitete të ndryshme, si dhe të mbështesin mobilitetin e studiuesve.
Delegacioni evropian zhvillon vizitë në Kolegjin Universitar Bedër
Një delegacion evropian i përbërë nga drejtues të Këshillave Ndërfetarë të Evropës (Religions for Peace Europe) zhvilloi një vizitë zyrtare në Kolegjin Universitar Bedër.
Ata u pritën nga rektori i Universitetit Bedër Prof. Dr. Gjergji Sinani, i cili e vlerësoi këtë vizitë si kuptimplotë për arsyen se liderët e Këshillave Ndërfetarë evropianë kanë zgjedhur këtë vit pikërisht Shqipërinë për zhvillimin e takimit vjetor të tyre, i cili u mbajt gjithashtu në ambientet e KU Bedër. Në pritjen e zhvilluar në sallën e senatit morën pjesë gjithashtu zv/rektori Dr. Isa Erbaş, lektorë nga Departamenti i Shkencave Islame, drejtues nga Komuniteti Mysliman i Shqipërisë dhe përfaqësues nga Këshilli Ndërfetar i Shqipërisë.
Delegacioni evropian kryesohej nga Dr. Luigi de Salvia, Presidenti i Këshillave Ndërfetar të Evropës (RfP Europe), si dhe Prof. Dr. Joan Hernandez Serret, Sekretar i Përgjithshëm i Këshillit Ndërfetar të Europës (Religions for Peace Europe) dhe Prof. Asoc. Dr. Genti Kruja, zv/president i Këshillave Ndërfetarë të Europës dhe njëkohësisht lektor në Kolegjin Universitar Bedër.
Delegacioni evropian përbëhej nga presidentët dhe drejtues të këshillave ndërfetarë të Shqipërisë, Gjermanisë, Bullgarisë, Britanisë së Madhe, Holandës, Spanjës, Italisë dhe Belgjikës, pjesë e Bordit Drejtues të Këshillit Ndërfetar të Europës (European National Interreligious Bodies - Religions for Peace Europe).
Këshillat Ndërfetarë të Europës zhvillojnë Forum Ndërkombëtar në Kolegjin Universitar “Bedër”
Liderët e Këshillave Ndërfetarë të Evropës zhvilluan për disa ditë radhazi disa aktivitete në Shqipëri. Një ndër ta ishte zhvillimi i një Forumi Ndërkombëtar në ambientet e kolegjit universitar “Bedër”.
Në forum morën pjesë krerët e Këshillave Ndërfetarë të Europës (Religions for Peace Europe) dhe drejtues nga Këshilli Ndërfetar i Shqipërisë.
Ata u pritën fillimisht nga rektori i KU-Bedër, Prof. Dr. Gjergji Sinani, i cili e vlerësoi këtë vizitë si kuptimplotë për arsyen se liderët e Këshillave Ndërfetarë evropianë zgjodhën këtë vit pikërisht Shqipërinë për zhvillimin e takimit vjetor të tyre, i cili u zhvillua gjithashtu në ambientet e universitetit. Në takimin e zhvilluar në sallën e senatit ishin të pranishëm zv/rektori, Dr. Isa Erbaş, lektorë nga Departamenti i Shkencave Islame dhe drejtues nga Komuniteti Mysliman i Shqipërisë, përfaqësues në KNFSH.
Delegacioni evropian kryesohej nga Dr. Luigi de Salvia, Presidenti i Këshillave Ndërfetar të Evropës (RfP Europe), si dhe Prof. Dr. Joan Hernandez Serret, Sekretar i Përgjithshëm i Këshillit Ndërfetar të Europës (Religions for Peace Europe).
Më pas, forumi i zhvilluar në sallën e konferencave u përshëndet nga Prof. Asoc. Dr. Genti Kruja, zv/president i Këshillave Ndërfetarë të Europës dhe njëkohësisht lektor në Universitetin Bedër. Dr. Luigi De Salvia, në cilësinë e kryesuesit të delegacionit, vlerësoi bashkëpunimin ndërfetar në Shqipëri, si një model për t’u importuar edhe në vendet e tjera të Europës dhe më gjerë. “Respekti i ndërsjellë i feve në Shqipëri është shtyllë e rëndësishme e dinamikave pozitive fetare në Europë sot”, u shpreh ai. Po ashtu edhe Prof. Dr. Serret, lektor në Universitetin e Barcelonës vlerësoi frymën e dialogut dhe bashkëpunimit ndërfetar në Shqipëri.
Më pas forumi vijoi me seancën e kumtesave të anëtarëve të Departamentit të Rinisë dhe Departamentit të Gruas në KNFSH, përfaqësues nga pesë komunitetet e ndryshme fetare në Shqipëri. Pas seancës së kumtesave, Prof. Dr. Elisabeth Naurath, presidente e “Religions for Peace, Germany” dhe gjithashtu lektore në Universitetin e Agsburgut mbajti një kumtesë duke vënë theksin në rolin e paqes dhe dialogut ndërfetar. Ajo ndër të tjera tha: “Çdo akt dhune është një blasfemi ndaj krijimit të Zotit”.
Të pranishmit në Forumin Ndërkombëtar vizituan edhe ekspozitën e çelur me këtë rast në ambientet e universitetit, titulluar: “Harmonia ndërfetare në Shqipëri”, ku ndër të tjera spikasnin fotot nga bashkëpunimi akademik ndërfetar i Departamentit të Shkencave Islame me Institutin Teologjik Katolik dhe Akademinë Teologjike Ortodokse.
Delegacioni evropian përbëhet nga presidentët dhe drejtues të këshillave ndërfetarë të Shqipërisë, Gjermanisë, Bullgarisë, Britanisë së Madhe, Holandës, Spanjës, Italisë dhe Belgjikës, pjesë e Bordit Drejtues të Këshillit Ndërfetar të Europës (European National Interreligious Bodies, Religions for Peace Europe).
Ata do të qëndrojnë në Shqipëri, ku do të zhvillojnë takime të ndryshme me liderët fetarë, bordet dhe departamentet e Këshillit Ndërfetar të Shqipërisë, institucione akademike dhe arsimore në varësi të komuniteteve fetare në vendin tonë, si dhe vizita studimore në disa qytete, ku do të ndalen në objekte të ndryshe kulti.
Organizata “Religions for Peace”, themeluar më 1970 në Nju Jork është institucioni më i madh në nivel global, i akredituar nga OKB, i cili është i përfshirë në dialogun ndërfetar dhe ndërtimin e paqes në botë. Këshilli Ndërfetar i Shqipërisë i themeluar më 2007 është pjesë e “Religions for Peace” dhe ka një marrëdhënie partneriteti me të, ku anëtarë të bordeve të tij marrin pjesë në Asamblenë e Këshillit Ndërfetar të Europës dhe Asamblenë Botërore të Këshillave Ndërfetarë.
Lista e kandidatëve fitues - Raundi I (2023-2024)
Lista e kandidatëve fitues - Raundi I (2023-2024) Kolegji Universitar Bedër shpall listën e kandidatëve fitues për Raundin e Parë, viti akademik 2023-2024. Të martën, më datë 29 Korrik 2023, nis procesi i regjistrimit të fituesve në programet e studimit të ciklit të pare, të integruar të ciklit të dytë, si dhe ato profesionale. Regjistrimet do të kryhen ndërmjet datave 29 korrik deri më 11 shtator, nga ora 8:00 deri në orën 16:30, pranë Sekretarisë Mësimore të Kolegjit Universitar Bedër. Klikoni mbi programin për të cilin keni aplikuar për të gjetur ID tuaj. Fakulteti i Shkencave Humane dhe Drejtësisë ✅Drejtësi ✅Gazetari dhe Komunikim Multimedial ✅Gjuhë dhe Letërsi Angleze ✅Marrëdhënie Publike dhe Komunikim Marketingu ✅Shkenca Islame ✅Multimedia dhe Dizajn Grafik Fakulteti i Teknologjisë dhe Biznesit ✅Finance Kontabilitet ✅Informatikë Ekonomike ✅Shkenca Kompjuterike ✅Teknologji Informacioni dhe Komunikimi ✅Programim në Web KUJDES! Kandidatët e shpallur fitues duhet të regjistrohen brenda fazës së parë 48 orëshe të përcaktuar nga Ministria e Arsimit, pra më 29 dhe 30 gusht 2023, pasi në të kundërt, e drejta për t'u regjistruar i kalon kandidatëve që janë në listën pritëse. Dokumentacioni i nevojshëm për regjistrim: a) Dokument identifikimi (kartë identiteti ose pasaportë); b) Fotokopje e noterizuar e Diplomës së Maturës Shtetërore së bashku me listën e notave; c) Dy fotografi të vogla personale; d) Mandati bankar i pagesës së regjistrimit. Ju mirëpresim! 𝑷𝒆𝒓 𝒊𝒏𝒇𝒐𝒓𝒎𝒂𝒄𝒊𝒐𝒏 𝒌𝒐𝒏𝒕𝒂𝒌𝒕𝒐: +355673427001 admissions@beder.edu.al
𝐏𝐑𝐎𝐆𝐑𝐀𝐌 𝐈 𝐑𝐈 𝐒𝐓𝐔𝐃𝐈𝐌𝐈 - “𝐅𝐎𝐑𝐌𝐈𝐌 𝐈 𝐕𝐀𝐙𝐇𝐃𝐔𝐀𝐑 𝐍Ё 𝐅𝐔𝐒𝐇Ё𝐍 𝐏𝐒𝐈𝐊𝐎-𝐏𝐄𝐃𝐀𝐆𝐎𝐆𝐉𝐈𝐊𝐄”
Departamenti i Edukimit dhe Gjuhës Angleze në Kolegjin Universitar Bedёr hap programin e ri te studimit “Formimit i Vazhduar në Fushën Psiko-Pedagogjike”
Ky program është miratuar nga Ministria e Arsimit dhe Sportit.
Qëllimi i këtij programi është t`ju ofrojë studentëve njohuri, aftësi dhe kompetenca të nevojshme për ushtrimin e profesionit të mësuesit.
🟢𝐊𝐨𝐡𝐞𝐳𝐠𝐣𝐚𝐭𝐣𝐚 𝐞 𝐬𝐭𝐮𝐝𝐢𝐦𝐞𝐯𝐞Ky program studimi është i organizuar në 1 (semestër), minimalisht 15 javë, me kohë të plotë.
🟢𝐍𝐮𝐦𝐫𝐢 𝐢 𝐊𝐫𝐞𝐝𝐢𝐭𝐞𝐯𝐞 (Sistemi Evropian i Transferimit të Krediteve)
Program i studimit “Formim i vazhduar në Fushën Psiko-Pedagogjike” përmban 𝟑𝟓 𝐄𝐂𝐓𝐒.
🟢𝐆𝐣𝐮𝐡𝐚 𝐞 𝐩𝐫𝐨𝐠𝐫𝐚𝐦𝐢𝐭: Shqip
🟢𝐓𝐢𝐭𝐮𝐥𝐥𝐢 𝐢 𝐃𝐢𝐩𝐥𝐨𝐦𝐞𝐬/𝐂𝐞𝐫𝐭𝐢𝐟𝐢𝐤𝐚𝐭𝐞𝐬
Në përfundim të programit, studentëve u jepet:
Certifikatë për formimin Psiko-Pedagogjik
🟢𝐌𝐮𝐧𝐝𝐞𝐬𝐢𝐭𝐞 𝐞 𝐏𝐮𝐧𝐞𝐬𝐢𝐦𝐢𝐭
Pas përmbylljes me sukses të programit të studimit, studentë kanë të drejtë të ushrojnë profesionin e msuesit sipas fushave të tyre përkatëse në sistemin Arsimor AML dhe AMU.
🟢𝐊𝐫𝐢𝐭𝐞𝐫𝐞𝐭:
Referuar Udhëzimit nr. 3 të MAS, datë 15.02.2023 (Aneksi 1), për këtë program studimi mund të aplikojnë gjithë individët që plotësojnë kriteret e mëposhtme:
a) Diplomë e programit të studimit të ciklit të parë "Bachelor" në fushën/lëndët e Arsimit të Mesëm të Ulët dhe të Arsimit të Mesëm të Lartë,
b) Diplomë e ciklit te dyte "Master i shkencave"/ "Master i arteve" ose "Master profesional" me 120 kredite apo ekuivalente në fushat e mëposhtme: Gjuhës dhe Komunikimit (𝐺𝑗𝑢ℎ𝑒̈ 𝑆ℎ𝑞𝑖𝑝𝑒, 𝐿𝑒𝑡𝑒̈𝑟𝑠𝑖, 𝐺𝑗𝑢ℎ𝑒̈ 𝑒 𝐻𝑢𝑎𝑗); Matematikës; Shkencave të Natyrës (𝐵𝑖𝑜𝑙𝑜𝑔𝑗𝑖, 𝐾𝑖𝑚𝑖, 𝐹𝑖𝑧𝑖𝑘𝑒̈); Shoqërisë dhe mjedisit (𝑆ℎ𝑘𝑒𝑛𝑐𝑎 𝑆𝑜𝑐𝑖𝑎𝑙𝑒, 𝑄𝑦𝑡𝑎𝑡𝑎𝑟𝑖, 𝐹𝑖𝑙𝑜𝑧𝑜𝑓𝑖, 𝐻𝑖𝑠𝑡𝑜𝑟𝑖, 𝐺𝑗𝑒𝑜𝑔𝑟𝑎𝑓𝑖, 𝐸𝑘𝑜𝑛𝑜𝑚𝑖); Arte (𝑀𝑢𝑧𝑖𝑘𝑒̈, 𝐴𝑟𝑡 𝑃𝑎𝑚𝑜𝑟, 𝐾𝑒̈𝑟𝑐𝑖𝑚, 𝑇𝑒𝑎𝑡𝑒̈𝑟); Edukim Fizik, Sporti dhe Shëndeti; Teknologji; TIK, etj.
Departamenti i Shkencave Kompjuterike organizoi Konkursin Kombëtar të IT për të katërtin vit rradhazi. Pjesëmarrës në konkurs ishin nxënës të shkollave të mesme publike dhe jopublike në Shqipëri. Fituesit e konkursit, të cilët tashmë janë studentë në Bedër fituan laptopë dhe bursa studimi.
Ceremonia e shpërndarjes së çmimeve u zhvillua pranë ambienteve të KU – Bedër në prani të lektorëve të departamentit të Shkencave Kompjuterike.
Kategoritë në të cilat morën pjesë nxënësit ishin:
• Bazat e IT-së (Hardware & Software)
• Programim në Web (Dizenjimi i Faqeve Web)
• Algoritmikë dhe Programim (në C++ ose Java)
Konkursi i rradhës do të zhvillohet në periudhën Prill-Maj 2024
Sekretari i Përgjithshëm i AAB, Dr. Spiro Brumbulli përmes leksionit të hapur me temë “Industria bankare: Situata aktuale, sfidat dhe mundësitë” njohu, studentët e Departamentit të Ekonomisë dhe Biznesit në Kolegjin Universitar Bedër, në detaje me sektorin bankar në Shqipëri dhe më gjerë.
Në fjalën e tij, z.Brumbulli ju parashtroi studentëve informacione dhe fakte të detajuara në lidhje me ecurinë dhe dinamikat e sektorit bankar dhe i njohu pjesëmarrësit me digjitalizimin, bankingun e hapur, prirjet e industrisë dhe rolin thelbësor të edukimit financiar. Falenderojmë profesorin për ekspertizën e vyer dhe jemi entuziastë për bashkëpunime të tjera në vijim.
Kolegji Universitar Bedër shpall listën e kandidatëve fitues për Raundin e Parë, viti akademik 2023-2024. (Kliko këtu për të parë listën)
Ju njoftojmë se procesi i regjistrimit për raundin e dytë në Kolegjin Universitar Bedër fillon nesër, ditën e premte, më datë 22 shtator dhe zgjat deri me 1 tetor.
Ftojmë të gjithë aplikantët fitues që të paraqiten për regjistrim pranë Sekretarisë Mësimore në ambientet e Kolegjit Universitar Bedër, prej orës 8:00 deri në orën 16:00.
Dokumentacioni i nevojshëm për regjistrim:
a) Dokument identifikimi (kartë identiteti ose pasaportë);
b) Fotokopje e noterizuar e Diplomës së Maturës Shtetërore së bashku me listën e notave;
c) Dy fotografi të vogla personale;
d) Mandati bankar i pagesës së regjistrimi
Pagesa e regjistrimit për Kolegjin Universitar Bedër është 100€ dhe mund ta kryeni në llogarinë e
"Fondacionit HAFIZ ALI KORCA"
Banka: Intesa San Paolo
Nr. Llogarie ne Euro - 10783031803
Nr. Llogarie ne Lek - 10783031801
Banka: CREDINS
Nr. Llogarie në Euro - 00001680166
Nr. Llogarie ne Lek - 00001680159
Për më tepër informacion:
+355 67 34 27 001
www.beder.edu.al
info@beder.edu.al
Rr. “Jordan Misja”