Aplikimet Online - Viti Akademik 2020-2021
Kolegji Universitar Bedër, për vitin akademik 2020-2021, ofron 7 programe studimi në nivelin bachelor, si dhe për herë të parë hap 2 programe profesionale (2-vjeçare). Programet ofrohen për maturantët e këtij viti, si dhe për kandidatët e tjerë, të cilët e kanë përfunduar shkollën e mesme më përpara.
Programet e studimit në nivelin bachelor janë:
Shkenca Kompjuterike Teknologji Informacioni dhe Komunikimi Marrëdhënie Publike dhe Komunikim Marketingu Shkenca Komunikimi Drejtësi Gjuhë dhe Letërsi Angleze Shkenca Islame
Programet profesionale 2-vjeçare janë:
Multimedia dhe Grafik Dizajn Programim në Web Ashtu si çdo vit, KU Bedër vazhdon të mbështesë më të mirët, duke ofruar 4 kategori bursash, të cilat janë: Ekselence Talenti Sociale Motivimi
Të interesuarit mund të plotësojnë formularin në linkun më poshtë për programet dhe bursat që "Bedër" ofron.
Linku: https://admission.beder.edu.al/form.php
Gjithashtu, KU Bedër ofron dhe 9 programe në nivelin master shkencor dhe master profesional, të cilat janë: Master i Shkencave në Drejtësi / Profili e Drejta Penale Master i Shkencave në Drejtësi / Profili e Drejta Ndërkombëtare Master i Shkencave në Shkencat e Komunikimit / Profili Marrëdhëniet me Publikun Master i Shkencave në Shkencat e Komunikimit / Profili Gazetari Master Profesional në Komunikim Marketingu Master i Shkencave në Gjuhë dhe Letërsi Angleze Master Profesional në Mësuesi, Gjuhë Angleze për Arsimin e Mesëm Master i Shkencave në Shkencat Moderne Islame Master i Shkencave në Shkencat Themelore Islame
Bedër, akses të plotë në JSTOR
Kolegji Universitar Bedër arrin marrëveshjen për abonim të plotë në JSTOR, duke i mundësuar studentëve dhe stafit akademik akses në këtë bibliotekë gjigante botërore. JSTOR mundëson përdorimin e më shumë se 12 milionë artikujve të revistave shkencore, librave dhe burimeve parësore në 75 disiplina të ndryshme.
Komuniteti i Bedër do të ketë mundësinë e plotë të eksplorimit të një game të gjerë të përmbajtjes studimore përmes kësaj platforme të fuqishme kërkimore dhe mësimore. JSTOR bashkëpunon me komunitetin akademik për të ndihmuar bibliotekat të lidhin studentët dhe kërkuesit shkencorë nga mbarë bota, duke ulur kostot dhe kohën e aksesimit, si dhe të ndihmojnë botuesit të arrijnë audienca të reja dhe të ruajnë përmbajtjen e tyre për brezat e ardhshëm. JSTOR është pjesë e ITHAKA, një organizatë jo-fitimprurëse që përfshin gjithashtu Artstor, Ithaka S + R, dhe Portico.
Kolegji Universitar Bedër i jep një rëndësi të madhe kërkimit shkencor, nëpërmjet organizimit të konferencave, workshopeve, pjesëmarrjes në konkurse kombëtare dhe ndërkombëtare, programeve të shkëmbimit të studentëve dhe stafit, etj. Krahas bibliotekës me mbi 35000 tituj që gjendet në ambientet e universitetit, tashmë në dispozicion do të jetë falas për studentët dhe stafin edhe biblioteka gjigante botërore JSTOR.
Për të aksesuar JSTOR dhe për të marrë më shumë informacion klikoni në adresën: https://www.jstor.org/
Bedër çel vitin akademik 2019-2020
Kolegji Universitar Bedër nisi sot vitin e ri akademik 2019-2020. Në ceremoninë e organizuar në ambientet e KU Bedër ishin të pranishëm studentë, prindër, stafi akademik dhe administrativ, si dhe përfaqësues të institucioneve të ndryshme.
Fjalën e hapjes e mbajti Rektori i Kolegjit Universitar Bedër, Prof. Dr. Ferdinand Gjana, i cili theksoi përpjekjet e institucionit për të krijuar një ambient që u vjen në ndihmë studentëve për t’u formuar profesionalisht, si dhe për të bërë zgjedhjet e duhura në jetë. “Mesazhi im për ju në këtë fillim të vitit të ri akademik është që të punonin fort, jo vetëm për të kaluar një provim, por sepse dija është forcë. Ajo do të jetë arma juaj më e fortë që do t’ju shoqërojë përgjatë gjithë jetës”, theksoi ndër të tjera Prof. Gjana.
Më pas fjalën e mori Kryetari i Komunitetit Mysliman të Shqipërisë, z. Bujar Spahiu, i cili theksoi se ajo që e dallon Kolegjin Universitar Bedër janë vlerat. “KU Bedër e ka treguar prej vitesh tashmë që misioni i tij nuk është vetëm ti pajisë studentët me diploma, por të nxjerrë në treg profesionistë të aftë me moral dhe vlera njerëzore që do të kontribuojnë për një të ardhme më të mirë të shoqërisë sonë. Prandaj, këto 3 vite që do të kaloni në këtë institucion shfrytëzojini më së miri për të ndërtuar themele të forta për të ardhmen tuaj”, tha z. Spahiu.
Në këtë ceremoni studentëve u uruan suksese dekania e Fakultetit të Filologjisë dhe Edukimit, Prof. Asoc. Dr. Tidita Abdurrahmani, dekani i Fakultetit të Shkencave Humane, Prof. Asoc. Dr. Rahim Ombashi, zv/Rektori për Marrëdhëniet Ndërkombëtare, Dr. William K. Martin. Ata shprehën gatishmërinë e të gjithë stafit për të ndihmuar studentët në këtë rrugëtim të rëndësishëm.
Në emër të studentëve përshëndetën Desara Kuka, studente e vitit të tretë në Gjuhë dhe Letërsi Angleze, si dhe Eldo Nexha, student i vitit të dytë në Shkenca Komunikimi. Ndërkohë, në emër të të diplomuarve përshëndeti Ermal Mema, i diplomuar në vitin 2014 për drejtësi.
Bedër, bashkëpunim me Këshillin Global për Tolerancë dhe Paqe
University College Bedër and Global Council for Tolerance and Peace (GCTP) signed in Malta a memorandum of collaboration for promoting tolerance, dialogue and peace. The agreement was signed by the Rector of Bedër, Prof. Dr. Ferdinand Gjana and the President of the GCTP, Dr. Ahmed Mohamad Al Jarwan. The Parties will engage in the organization of international conferences, the development of scientific research, the involvement of students and staff in projects aiming at promoting tolerance, dialogue and peace.
In addition, Rector Gjana participated in a symposium organized by the Global Council on Tolerance and Peace, where he gave a presentation on “Teaching tolerance and dialogue in higher education as a need for a more secure and peaceful world: Case of Albania”. The symposium organized at the University of Malta, under the patronage of the President of Malta, Dr. George Vella, was attended by scholars from various countries of the world.
Senati Akademik i Kolegjit Universitar Bedër miratoi "Udhëzimin mbi mësimdhënien në distancë", i cili ka për qëllim të orientojë stafin akademik dhe administrativ të KU Bedër gjatë punës së tij me studentët në prosesin mësimor online. Ky vendim u mor në kushtet e ndërprerjes së aktivitetit të institucioneve arsimore, në kuadër të masave të ndërmarra nga Qeveria shqiptare për parandalimin e përhapjes së pandemisë Covid-19.
Sipas Udhëzimit, mësimdhënia dhe lektrimi me anë të platformave online në kushtet e shtëpisë do të vijojë duke u bazuar në kalendarin akademik të Kolegjit Universitar Bedër dhe në syllabuset e lëndëve të rishikuara nga vetë lektorët dhe të depozituara në departamentet përkatëse. Në lidhje me metodologjinë e përzgjedhur nga lektorët për lektrimin në distancë, do të merren parasysh edhe specifikat e studentëve me nevoja të veçanta dhe mundësitë që ata kanë për t’u asistuar nga ndonjë familjar, si dhe specifikat e studentëve të cilët nuk kanë akses në internet. Bashkëngjitur gjendet Udhëzimi i miratuar nga Senati Akademik i Kolegjit Universitar Bedër.
Udhëzimi
Kolegji Universitar Bedër nënshkroi sot një memorandum bashkëpunimi me Universitetin “Aurel Vlaicu” të Arad, Rumani, në kuadër të programit “Erasmus +”. Marrëveshja u nënshkrua nga Rektori i KU Bedër, Prof. Ferdinand Gjana dhe nga Rektorja e Universitetit “Aurel Vlaicu”, Prof. Ramona Lile.
Memorandumi i nënshkruar mes dy universiteteve i hap rrugën shkëmbimit të stafit dhe studentëve tanë, duke nisur që nga ky vit akademik.
Në kuadër të zgjerimit të bashkëpunimeve me institucione, kompani dhe agjenci të ndryshme, Kolegji Universitar Bedër nënshkroi memorandumin e mirëkuptimit dhe bashkëpunimit me Iceberg Communication. Marrëveshja u nënshkrua nga Rektori i KUB, Prof. Dr. Ferdinand Gjana dhe CEO i Iceberg Communication, Rafaela Rica, ku palët angazhohen për bashkëpunimin arsimor, kulturor dhe social.
Fushat e veçanta të bashkëpunimit ndërmjet Kolegji Universitar Bedër dhe Iceberg Communication përfshijnë: Trajnime të stafit; shkëmbime të eksperiencave ndërmjet stafit; praktika profesionale; dhënie të bursave të studimit, etj.
Kolegji Universitar Bedër shpall listat e aplikantëve fitues të raundit të tretë, viti akademik 2019–2020. Ky raund është mundësia e fundit për regjistrim në programet bachelor për këtë vit akademik. Regjistrimet nisin të hënën, më datë 21 tetor, dhe mbyllen më datë 26 tetor 2019.
Dokumentacioni i nevojshëm për regjistrim:
a) Dokument identifikimi (kartë identiteti ose pasaportë);
b) Fotokopje e noterizuar e Diplomës së Maturës Shtetërore së bashku me listën e notave;
c) 2 fotografi të vogla personale;
d) Mandati i pagesës (për ata që nuk e kanë bërë).
Kandidatët fitues do të gjejnë emrat e tyre në listat e mëposhtme:
Shkenca Kompjuterike
Teknologji Informacioni dhe Komunikimi
Marrëdhënie Publike dhe Komunikim Marketingu
Shkenca Komunikimi
Drejtësi
Gjuhë dhe Letërsi Angleze
Shkenca Islame
Për çdo pyetje dhe informacion më të detajuar mos hezitoni të na kontaktoni.
Kontakt:
Tel: +355673427001
Email: [email protected]
Web: www.beder.edu.al
Ju mirëpresim!